飛機上不時都有「相親」的活動進行，
好多時都係由母親大人提出認識的請求。
有一次有位中老年女士走嚟問我。
女：妹妹呀，你幾大呀？
菇：(咁直接?!) 我廿幾囉⋯
女：結咗婚未呀？
菇：未⋯
女：咁就好，咁你屬咩㗎？幾多月出世？
菇：點⋯點解⋯想知？
女：無無無，我個仔同你差唔多年紀又未有女朋友，
想睇下你地有無緣做個朋友仔嘛。
菇：我⋯我⋯好少識新朋友的，我⋯做嘢先，再講！
落機時，仲未死心。
女：我留呀仔個電話俾你吓，得閒what app吓佢吖！(塞張紙)
我個仔好好㗎，又未拍過拖，試下佢(單眼)！
菇：哦⋯好⋯
轉個身，張紙已經消滅咗。
👀👀👀👀👀👀👀👀👀👀👀👀👀👀👀
空少都不時會被睇中，
又有一次有位中老年女士走去問rayray空少
女：有無女朋友呀？
少：errr⋯⋯
女：想唔想識女仔？我有個囡⋯⋯
少：唔洗啦，我有男朋友。
女：⋯⋯哦咁⋯⋯(深受打擊的樣，慢慢走返埋位)
我笑到痛都肚埋。
Search